جنون العباقرة


0
 
الرئيسيةجنون العباقرةس .و .جبحـثالمجموعاتالتسجيلدخول

شاطر | 
 

 معزوفة احزاني

اذهب الى الأسفل 
كاتب الموضوعرسالة
جمى
المدير العام للوقع
المدير العام للوقع
avatar

عدد المساهمات : 384
نقاط : 1159
تاريخ التسجيل : 12/04/2009

مُساهمةموضوع: معزوفة احزاني   الخميس أبريل 23, 2009 4:50 pm


معزوفة احزاني


ماراح اناديك لو هي حالتي خطره=لأن مثلك بهذا الوضع ينساني
لاتحسب اني على مثلك انا بشره=لا ياصغير انا ماني بشرهاني
بعاتبك بس لين تفك هالسكره=وبعلمك عن طعون(ن)وسط وجداني
وش رايك نروح انا وياك للسهره=سهرة جروحي وبعزم معك حرماني
نشرب من الهم ونسولف الى بكره=واذا بغيت الطرب بعزف لك الحاني
الحان عندي فقط للقلب محتكره=والله لسمعك معزوفة احزاني
بعلمك عن ضلوعي شلون منكسره=وبعلمك كيف انا ضيعت عنواني
وبعلمك كيف عاش الطفل في حسره=وبعلمك طيب قلبي وين وداني
وبعلمك عن صديق الغدر وش امره=وبعلمك عن خفايا العالم الثاني
وبعلمك عن عشيرك كيف تختبره=وبعلمك عن حبيب(ن)كان يهواني
وبعلمك عن شجاع(ن)عاش في عثره=وبعلمك عن هموم(ن)فوق امتاني
أثر اقرب الناس مني داخله حره=زعلان مني عشان عيون خلاني
ان كان قصده يحط بداخلي جمره=بدري على من وصلني ماتعداني
انا حفظت العهد مع خاين العشره=ابي تبين بعينه مير ما امداني
عاشوا على الغش خداعين هالزمره=يقابلك شخص وشخص بداخله ثاني
معقول ماقد جلس فكر ولومره=وشلون عايش بعين الناس حيواني
والله ياهي خلايا المخ منبهره=وشلون يقدر يعيش بفكر شيطاني
يالعنبو دمهم ياكيف ماعمره=ناظر بعين الرجوله وجهه الجاني
معقول هذي السوايا تقدر تسره=معقول لو خان ربعه كيف مايعاني
يعني يحسب البشر موكاشفه سره=الله ياهو غبي يومه تغيباني
ياصبرها ارضهم وقلوبهم قذره=يمشي بليا هدف فالغي هيماني
انا خويي اذا اخطا اباعذره=بس بشروه الخساره لو تحداني
الا الخيانه انا مااحبها فطره=مسكر(ن) دونها بالقفل بيباني
الوقت من قسوته اعطاني الخبره=والهم من ضيقته بالمر اسقاني
عاصرت هذا الزمان بلينه وعسره=والحزن ياما وياما قد تحفاني
ماقد دعاني خويي نافذ(ن) صبره=الا واول رجل بالصف يلقاني
تبي تعرف الرجل في بنت او سفره=وصل كلامي وبلغهم على لساني
وش للرجل بعد مايقفي سوى ذكره=اسأل دموعه الى من صاح من شاني
قولوا لمن خان يروح برجله لقبره=لأن مثله حرام تشوفه أعياني
ياقلب هذي دموعك ليش منتثره=مافيه شي(ن) عشان تقول ندماني
يالله مشينا وباخذ كاس هالخمره=ابشربه سك وبنسى من تناساني
خلاص رح ياصغير بس على فكره=ماعاد ابي رجعتك لاعد تمناني



الرجوع الى أعلى الصفحة اذهب الى الأسفل
 
معزوفة احزاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جنون العباقرة :: مندى الشعر-
انتقل الى: