جنون العباقرة


0
 
الرئيسيةجنون العباقرةس .و .جبحـثالمجموعاتالتسجيلدخول

شاطر | 
 

 الزمان الصعب !

اذهب الى الأسفل 
كاتب الموضوعرسالة
جمى
المدير العام للوقع
المدير العام للوقع
avatar

عدد المساهمات : 384
نقاط : 1159
تاريخ التسجيل : 12/04/2009

مُساهمةموضوع: الزمان الصعب !   الخميس أبريل 23, 2009 5:08 pm


بسم الله الرحمن الرحيم

السلام عليكم ورحمة الله وبركاته
:

آخر ماكتبت أقبلوها كما هي




على الله يالزمان الصعب تذهب كـل اتراحـي
وتضحك لي ليالٍ طال حزني و السهـر فيهـا
كذا جالس انا والدمع نقلّب صفحـة جراحـي
نحاول نمحي الألآم ونخفـف مـن مساويهـا
بلاجدوى نعم والله لان الجـرح بـي صاحـي
وناره تشتعـل فينـي وانـا ماقـدر اهديهـا
شعلها من سكن فالقلب وقفّى هاجـر وراحـي
بعـد ماشافهـا تشتـب تولّـى دون يطفيهـا
عرف اني انا فالبعد اشب ومحجـري ساحـي
وقلبي مع شرايينه لظـى الاشـواق صاليهـا
علامه ؟! بفتهم وش جاه وعطر الشوق فوّاحي
وروحي بالغلا ياما عنـت لـه قبـل يشقيهـا
عشقته فوق ماتصوّر وهقيت الفرح لي لاحـي
ولكن الفـرح لحظـة ويـا ماسـرع تناهيهـا
اجي له قبل مـاروّح واعـود قبـل مرواحـي
كأن الرجـل منقـاده علـى كيفـه يمشيهـا
على كثر العذارى بس قلبـي عنهـم شاحـي
ولالغيـره ابـد اهتـم ولاغيـره يساويـهـا
طعونه دايمٍ تاصـل لجـوف القلـب تجتاحـي
وانـا والله غلطـاتـه وزلاتــه اعديـهـا
غدى قلبي من جروحه صويبٍ واسمعه ناحـي
وانا وان جاه منّي شي لحون العـذر اغنيهـا
ابيه وما ابي غيره لو انّـه مصـدر جراحـي
لانـي صعـب اتخـيـل محبتـنـا نخليـهـا
كتمت الشوق والآهات ولكن خاطـري باحـي
لعل الزيـن يقراهـا وتاصـل لـه خوافيهـا
حبيبي ! طالبـك بالله ابـي هاليـوم نرتاحـي
ونرجـع مثـل ماكنّـا دروب الشـك ننهيهـا
الا ياهالزمن وش بـك تخـرّب دوم افراحـي
وتقلبها مواجع حـزن تشقـي قلـب راعيهـا
اشوف الفرح ساري لي ولكن ماسرع الماحي
وهذي فرحتي دايم ظـروف الوقـت تعميهـا



مودتي
المشـــــــــــتاق
الزمان الصعب !

الرجوع الى أعلى الصفحة اذهب الى الأسفل
 
الزمان الصعب !
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جنون العباقرة :: مندى الشعر-
انتقل الى: