قلبك اللي اشترى فيني وباع

لوخسرتك ماخسرت العمروالدنيامتاع
وأدري أني لوخسرتك .ماخسرت إلأ قليل.
بس فكر زين تعرف من خسرفينا وضاع
وتعرف إنك لوتلف الأرض وتدور بديل
والله إن تبطي ولو لفيت في كل البقاع
ولو تسوي وش تسوي منت لآقي لي مثيل
وين تلقى مثل شخصي شخص وطباعي طباع.
ووين تلقى قلبي قلب أومثلي خليل
البشر واجد .نعم لكن فرق الأنطباع
يجعلك يمي تميل ويم غيري ماتميل.
يارفيقي ...أنتبه
وأحسن الأستماع
للمواقف دور في كشف المزيف والأصيل .
وأنت ماقصرت فيني موقفك جدا شجاع .
طعنتك في الظهر فعلا كانت أثبات ودليل .
بيض الله وجهك اللي ساتره تحت القناع
ورايتك بيضاء معاي ياعسى عمرك طويل
يعني أعطيك الثقه وتردها<بلوي>الذراع
ياخي ماشاء الله عليك أبدعت في رد الجميل
مدري كيف أشكرك مدري كيف أرد الصاع صاع.
كنت أحسب أنك عزيز النفس تطلع لي بديل
كم وأناعييت أصدق فيك قدرالمستطاع
من غبائي كنت أسكت وأعذرك وأثرالحصيل
جرح قلب ميزته في كل يوم الأتساع
ودمع عين ينهمر من ضيقتي في كل ليل .
والله إني كنت أحبك حب وأتبعك أتباع.
كنت لجلك أرضي غرورك بس أسوي المستحيل
كنت فيك ..لا ..لا.
كنت ميت للنخاع
كنت مدري كيف? لكن كنت صادق معك حيل
كنت أمارس في غرامي لك سياسة الإنصاع.
وكنت لاغي معك فكره أعتزال أوأستقيل .
إندفعت بكل مافيني وسوء الأندفاع
يجبر الأنسان أحيانا يفكر بالرحيل
صدمتي فيك أنت خلتني أفكر بإقتناع
إن قتل النفس راحه لوانا القتيل أنفجر راسي من التفكير وأزداد الصداع
كيف اببعد من جراحك ودوشة(قال و قيل )
صرت سيره في حلوق الناس وتاليها ضياع
أنتحر معقول !يالله وش هذا الغليل .
رحمتك يارب لا من ضاقت الدنيا أمنحني وساع
أنت حسبي في الزمان الجاير ونعم الوكيل .
لا غدى مستقبلي والماضي أطراف النزاع
وصفحة الماضي سوداء وش من هذا القبيل
فلازم أنسى لجل أنهي بداخلي هذا الضياع
ولازم أسوي عشان أحقق النصر الجليل
وطالما الهجوم أفضل وسيله للدفاع
مستحيل أرضخ لوإن الحمل ياربعي ثقيل ......
والحبيب إللي نساني وأشترى فيني وباع
يروح وربي يحفظه والله بجرحي كفيل ......
وإن سأل عني وجاكم من بعد فتره الإنقطاع علموه أني نسيته .
بس أنا ماني بخيل
طالما كان السبب في قوتي قبل الوداع ......
بلغوه أقل شي بخالص
الشكر...................................الجزيل